#BOLETÍN #TSELTAL || La spasik foro: “Transparencia swenta ya’tel lekil awalil” ta congreso ta jlumaltik Chiapas
Te ‘atelil te la yich’ pasel, swenta slekutesibal sok yak’el ta na’el te bin ut’il ta tu’untesel stak’in jlumaltik: Karina del Río
Tuxtla Gutiérrez, Chiapas ta 30 yu’un agosto ya’wilal 2023.- Te Comisión yu’un Transparencia sok Información Pública ta Congreso ta jlumaltik Chiapas, te ya’telinej te diputada #KarinaDelRíoZenteno sok nix te coordinación yu’un Instituto ta Transparencia sok Acceso swenta información pública ta jlumaltik Chiapas, la pasik foro: Transparencia swenta bin ut’il ya x-atej lekil awalil sok yich’el ta muk’ sk’op ya’yej answiniketik ta jlumatik Chiapas.
Ta yorail tsoblej, te mach’atik a k’opijik sok te mach’atik julik ta tsoblej, te diputada Karina Del Río, la yal te bayel sk’oplal te tsoblejetik te la spasik, melel la xcholbeyik sk’oplal te bin ut’il ya xlekub ya’tel Atej Patan mak Concejal ta jujuntik lumetik, sok te yakuk sna’ik stuuntesel te jayeb stak’in answiniketik ta jujuntik lumetik.
Tex nix ta tsoblej, te diputada yu’un MORENA, la yal te bayel sk’oplal te yakuk jkiltik ta jpisiltik te banti ya xlaj stak’in te jlumaltik, swenta skanantayel sok yilel te bajtik ya xlaj te tak’in te ya yak’tal koel te muk’ul awalil ta México, awalil ta jlumaltik Chiapas sok nix te stak’in jlumaltik te banti jachemotike.
Jich la yal xan, bayel sk’oplal te ayuk ich’el ta muk’, sna’el stuuntesel stak’in jlumaltik, jich yu’un te Congreso yakal ta xchajpanel sok yakal ta a’tel ta swenta skanantayel sok yilel te bajtik ya xlaj stak’in te jlumaltik, ya jk’antik te lekuk ya spas ya’telik te Atej Patanetik, melel jich albil sk’oplal tey ta Ley yu’un Transparencia sok ta Ley yu’un Desarrollo Constitucional.
Sbiil answiniketik te k’opojik ta foro, doctor #HugoAlejandroVillarPinto; wolwanej yu’un Instituto Transparencia, Acceso swenta Información sok Protección yu’un Datos Personales ta jlumaltik Chiapas; Comisionadoetik maestra Marlene #MarisolGordilloFigueroa sok p’ijteswanej #JesúsDavidPinedaCarpio sok panelistas: #ManuelDeJesúsCoradoDePaz, director ta Centro Iberoamericano swenta Investigaciones Jurídicas sok Sociales, sok nix te doctor #MarcoAntonioLaraMartínez p’ijteswanej ta Universidad Autónoma ta Chiapas; jich bit’il te diputadoetik: Isidro Ovando Medina, vicepresidente ta Comisión yu’un Transparencia sok Información Pública; Elizabeth Escobedo Morales; Felipe Granda Pastrana; Cecilia Lopez Sanchez sok Marcelo Toledo Cruz.
